خوشاب (راجہ نورالہی عاطف سے) ایڈمنسٹر یٹر زکوٰ ۃ وعشر پنجاب کی ہدایت پر ضلعی زکوٰ ۃ وعشر آفیسر خوشاب شر جیل بدر نے صدر ڈسٹرکٹ بار ایسوسی ایشن اور وکلا کے ایک وفد سے میٹنگ کی ۔انہوں نے شرکاء کو صو بائی زکوٰ ۃ انتظامیہ پنجاب لاہور کی جانب سے ” زکوٰۃ کی رضا کارانہ وصولی ” کی روشنی میں آگاہ کیا کہ زکوٰۃ اسلام کے بنیادی ارکان میں سے اہل رکن ہے۔انہوں نے میٹنگ میں بتا یا کہ گذشتہ کئی سالوں سے زکو ٰ ۃ فنڈز سے مستحقین کو اربوں کی رقم تقسیم کی جاچکی ہے تاہم زکوٰ ۃ کی رضا کارانہ وصولی میں سال بہ سال کمی ہو رہی ہے۔مخیر حضرات اور صاحب حیثیت لوگوں کو رضا کارانہ طور پر اپنی زکو ٰ ۃ صوبائی زکوٰ ۃ فنڈز میں جمع کروانے کیلئے زکوٰ ۃ کی افادیت سے آ گاہ کرتے ہوئے انکواس کی ترغیب دی جاتی ہے۔ انہوں نے بتایا کہ ضلعی زکو ٰ ۃ وعشر کمیٹی کے وفد نے محکمہ زکوٰ ۃ وعشر کے مختلف مدات گزار ہ الاؤنس،تعلیمی وظائف برائے دینی مدارس،تعلیمی وظائف برائے جنرل ایجوکیشن،فنی تربیت کیلئے امداد اور مستحقین کو مفت علاج معالجہ کی مد میں ان کے استحقاق فارموں پر مفت ادویات فراہم کر رہا ہے۔ضلعی زکوٰ ۃ آفیسر شرجیل بدر نے وکلا حضرات کو کہا کہ آ پ ضلع کی انتہائی اہم شخصیات ہیں۔آ پ سے گزارش ہے کہ اللہ پاک کے دیئے ہوئے رزق سے اپنی زکوٰۃ کاحصہ محکمہ زکوٰ ۃ کے منتخب شدہ بینک اکا ؤ نٹس اسٹیٹ بینک آف پاکستان اکاؤ نٹ نمبر PK20BPUN6010046987300013 اور مسلم کمرشل بینک اکاؤ نٹ نمبر PK53MUCB0736876331001823میں جمع کروائیں اور عوام الناس کو بھی اس کی تر غیب دیں۔اس موقع پر ملک محمد طاہر اعوان ایڈ ووکیٹ صدر بار ایسوسی ایشن اور سیکر ٹری ڈسٹرکٹ بار ایسوسی ایشن ملک عمران قادر اعوان نے ضلعی زکوٰ ۃ کمیٹی کے وفد کو اپنی جانب سے زکوٰ ۃ کی رضاکارانہ وصولی کی مہم میں بھر پور تعاون کرنے کی یقین دہانی کرائی۔اس موقع پرزکوٰ ۃ دینے کی افادیت سے آ گاہی کے متعلق پمفلٹ بھی تقسیم کیئے گئے۔
0
