معروف اداکار البیلا کی اج برسی ہے ”
💝======💕
البیلا 1941 میں گوجرہ ضلع ٹوبہ ٹیک سنگھ میں پیدا ہوئے،
البیلا کا اصل نام اختر حسین تھا
البیلا پاکستان کے ایک اسٹیج اور فلم کے مزاحیہ اداکار تھے، جنھوں نے نے 70 کی دہائی میں پہلے اسٹیج اور پھر فلم میں اداکاری شروع کی۔ باغ جناح میں ان کا پہلا اسٹیج ڈراما ’یہ بیچارے لوگ‘ خاصا مقبول ہوا۔ البیلا جسمانی حرکات و سکنات اور مکالموں کی مخصوص طرز پر ادائیگی سے مزاح پیدا کرتے تھے۔ البیلا نے کئی فلموں میں بھی کام کیا جن میں باؤ جی، عشق نچاوے گلی گلی اور سویرا بہت مشہور ہیں۔ تاہم انہوں نے زیادہ تر کام اسٹیج ہی کے لیے کیا۔ بلیک اینڈ وائٹ ٹیلی وژن کے زمانے میں البیلا نے عارف علی عارف کے کھیل ’ اک سی بادشاہ‘ میں اکبرِ اعظم کا کردار کیا جسے بہت سراہا گیا۔ یہ کھیل مغل دور کی مشہور کہانی انارکلی کی پیروڈی تھا جس میں شہزادہ سلیم کا کردار امان اللہ نے ادا کیا تھا۔ ان دونوں کی جوڑی نے پھر سٹیج ڈراموں میں بہت مقبولیت حاصل کی۔
مزاحیہ اداکار اختر حسین عرف البیلا کے فلم ‘رشتہ’ میں چھوٹے سے کردار نے ان کو فن کی بلندیوں تک پہنچا دیا۔
البیلا نے مجموعی طور پر 215 فلموں میں کام کیا جن میں شہید، عشق نچاوے گلی گلی، بڑے میاں دیوانے، سہرے کے پھول، بھریا میلہ، صائمہ، تیس مار خان، انسانیت کے دشمن، دل لگی، ہوشیار اور وارداتیا کے نام سرفہرست ہیں۔
البیلا نے زیادہ تر کام سٹیج ہی کے لئے کیا، اداکار امان اللہ کے ساتھ ان کی جوڑی نے سٹیج ڈراموں میں بہت مقبولیت حاصل کی۔
کردار چاہے کیسا ہی کیوں نہ ہوتا، وہ اسے خوبصورتی سے نبھاتے، البیلا کے ہم عصر فنکار تھیٹر پر ان کے برجستہ فقروں کے معترف رہے ہیں۔
پاکستان کا یہ مزاحیہ اداکار 17 جولائی 2004 کو 63 برس کی عمر میں دل کے دورے کے باعث لاہور میں انتقال کر گیا، اب ان کا بیٹا ہنی البیلا تھیٹر اور ٹی وی پر اپنے فن کا جادو جگا رہا ہے۔۔!!!!
