57

اطالوی ماڈل کی ارباز خان سے شادی کرنے سے متعلق لب کشائی۔

اطالوی ماڈل کی ارباز خان سے شادی کرنے سے متعلق لب کشائی۔

فی الحال ارباز سے شادی کرنے کے حوالے سے ابھی کوئی فیصلہ نہیں کیا۔اداکارہ جارجیا آندریانی

ممبئی(انٹرنیشنل ڈسک)گلوبل ٹائمز میڈیا یورپ کے مطابق اطالوی ماڈل اور بالی وڈ ڈانسر و اداکارہ جارجیا آندریانی کا ارباز خان سے شادی کرنے سے متعلق بیان سامنے آگیا۔میڈیا رپورٹس کے مطابق ملائکہ اروڑا سے طلاق کے بعد ارباز خان 4 سال سے زائد عرصے  سے اطالوی ماڈل اور بالی وڈ ڈانسر و اداکارہ جارجیا  آندریانی کو ڈیٹ کررہے ہیں تاہم دونوں کی جانب سے شادی کے حوالے سے کوئی واضح بیان سامنے نہیں آیا۔تاہم اب جارجیا نے بھارتی میڈیا کو انٹرویو دیتے ہوئے کہا ہے کہ فی الحال ارباز سے شادی کرنے کے حوالے سے ابھی کوئی فیصلہ نہیں کیا۔انہوں نے مزید کہا کہ  لاک ڈاؤن کے درمیان میرے اور ارباز کے رشتے میں تبدیلی آئی۔ 
بھارتی میڈیا کے مطابق  جارجیا کا کہنا تھا کہ میری ملائکہ اور ارباز کی فیملی سے کئی بار ملاقات ہوئی ہے ، ارباز اور میں کافی اچھے دوست ہیں لیکن ہم نے ابھی شادی کرنے کا کوئی فیصلہ نہیں کیا۔جارجیا نے 2019 میں تامل فلم کارولائن کاماکشی سے اداکاری کی دنیا میں قدم رکھا تھا، اطالوی ماڈل ارباز خان سے تقریباً 20 سال چھوٹی ہیں، جس کی وجہ سے جوڑے پر تنقید بھی کی جاتی ہے۔خیال رہے بالی وڈ کی جانی مانی جوڑی ملائکہ اور ارباز کی شادی 1998 میں ہوئی تھی جب کہ طویل عرصہ ایک ساتھ رہنے کے بعد 2017 میں دونوں کی طلاق ہوگئی تھی۔ ان کا ایک بیٹا ارہان بھی ہے جس کی عمر 18 برس ہے۔

یہ خبر شیئر کریں

اس خبر پر اپنی رائے کا اظہار کریں

اپنا تبصرہ بھیجیں