37

*مدیحہ رضوی اور حسن نعمان میں طلاق ہوگئی*

*مدیحہ رضوی اور حسن نعمان میں طلاق ہوگئی*

پاکستانی شوبز انڈسٹری کی نامور اداکار جوڑی مدیحہ رضوی اور شوہر حسن نعمان میں شادی کے 9 سال بعد طلاق ہوگئی۔

مدیحہ رضوی مشہور اداکارہ دیبا کی بیٹی ہیں جب کہ حسن نعمان معروف اداکار رشید ناز کے صاحبزادے ہیں۔ جوڑے کی شادی 2013 میں ہوئی تھی اور ان کی دو بیٹیاں ہیں۔

مدیحہ رضوی نے انسٹا گرام پوسٹ کے ذریعے مداحوں کو شوہر سے طلاق کے بارے میں بتایا۔ مداحوں سمیت دیگر صارفین اس پر افسوس کا اظہار کر رہے ہیں۔

اداکارہ نے لکھا: ’کافی سال ایک ساتھ گزارنے کے بعد خوش اسلوبی سے حسن اور میں نے طلاق کا حتمی فیصلہ کرلیا۔ ہم نے رشتے میں بہتری کی بہت کوشش کی۔ اس کے لیے کچھ وقت ساتھ اور الگ بھی رہے۔‘

انہوں نے لکھا کہ آخر کار نتیجہ یہ نکلا کہ ہم اپنے راستے ایک دوسرے سے جدا کر لیں تاہم بیٹیوں کے لیے ہم ایک خاندان کی طرح ساتھ رہیں گے۔

مدیحہ رضوی نے اپنے مداحوں سے درخواست کی کہ اس مشکل وقت میری بیٹیوں اور ہماری رازداری کا خیال رکھا جائے۔

یہ خبر شیئر کریں

اس خبر پر اپنی رائے کا اظہار کریں

اپنا تبصرہ بھیجیں